Qaraǵandyda dombyra jasaýdan sheberlik klasy ótti

QARAǴANDY. QazAqparat - Ulttyq dombyra kúni aıasynda «Naǵyz qazaq - qazaq emes, naǵyz qazaq - dombyra» degen ataýmen Qaraǵandy oblystyq tarıhı-ólketaný mýzeıinde dombyranyń 7 túri kórsetilgen is-shara ótti, dep habarlaıdy QazAqparat tilshisi. 

«Búgin bizdiń mýzeıge Shet aýdandyq arheologııalyq-etnografııalyq mýzeıinen dombyranyń 7 túri ákelindi. Qaraǵandylyqtar olardy kelesi aptaǵa deıin jalǵasatyn kórmeden tamashalaı alady», - dedi oblystyq tarıhı-ólketaný mýzeıiniń basshysy Erjan Nurmaǵambetov.

Oblystyq tarıhı-ólketaný mýzeıinde qazaq qoǵamynyń salt-dástúrine arnalǵan arnaıy zal bar. Onda dombyra men qobyzdyń kóptegen túrleri kórsetilgen.

Sondaı-aq, sharaǵa áıgili halyq ártisi Qalı Baıjanovtyń dombyrasy jetkizilgen.

«Dombyra - erekshe aspap. Úni qazaqtyń keń dalasynyń túgel tarıhymen tunyp jatqandaı. Men urpaqtan urpaqqa beriletin dombyramen án salý ónerine tánti boldym. Ol - sol qalpy, esh ózgermegen. Áli de daýsy jarqyn-jarqyn shyǵady», - deıdi dombyrashy Erjan Tursynov.

Shara kezinde Shet aýdanynyń ólketanýshysy, «Eren eńbegi úshin» medaliniń ıegeri Ertaı Jánibekov «Estirtý» kúıin oryndady. Erjan Tursynov óz qolynan shyqqan dombyramen án shyrqady. Sondaı-aq, sándik-qoldanbaly óner sheberi Málik Haırolla sheberlik klasynda ulttyq aspapty jasaýdyń qyr-syrymen bólisti.

E. Nurmaǵambetovtiń aıtýynsha, Qaraǵandyda osy ispettes sheberlik klastary jıi ótkizilip turady. Sheberlerdiń barlyǵy ótken jyly óz jumystaryn tanystyrý úshin EKSPO kórmesine baryp qaıtqan.

Kórmeni alǵashqy kúni júzge jýyq adam tamashalaǵan.