Qaraǵandyda dızel baǵasy qansha turady
Esterińizge sala keteıik, 10 qazan kúni Qaraǵandyda qalalyq avtobýstardyń 30% jýyǵy marshrýtqa shyqpaı qoıdy. Qaraǵandylyqtar aıaldamalarda qajetti avtobýsty uzaq ýaqyt kútýge týra kelgenine shaǵymdandy. Buǵan janarmaı quıý beketterinde dızel otynynyń bolmaýy sebep boldy.
Іle-shala onlaın-rejımde keńes uıymdastyrǵan oblys ákimi Jeńis Qasymbek óńirlerge janar-jaǵarmaı tasymaldanyp jatqanyn habarlady. Avtoparkterge qosymsha dızel otyny jetkizildi.
Qazir Qaraǵandy qalasynyń basshylyǵy dızel otynyna qatysty máselege kún saıyn monıtorıng júrgizedi. Qaraǵandyda jazǵy dızel otyny – 265 teńge, qysqy otyn 332 teńge turady.
Qaraǵandyda janar-jaǵarmaı satatyn 18 kompanııa jumys isteıdi, janar-jaǵarmaı quıý beketteriniń jalpy sany – 113. Operatorlardyń derekteri boıynsha, janar-jaǵarmaı materıaldarynyń búgingi kúngi qaldyǵy – 7056,0 tonna (AI-92 – 3528,0 tonna, AI-95 – 1491,4 tonna, dızel otyny – 2036,6 tonna, jazǵy otyn – 1259,6 tonna, qysqy otyn – 777,0 tonna).
«Talondar boıynsha dızel otynyn tek 8 janar-jaǵarmaı stantsııasy ǵana bosatady: «Seda», «Helios», «Nomad Oil», «Tumarmunaı», «Gazprom neft», «Liqui Moly», QazMunaıGaz, «PetroRetail». Qalǵan janarmaı beketterinde otyn erkin satylymda», - dep habarlady Qaraǵandy qalasy ákiminiń baspasóz qyzmetinen.
Búgingi tańda qala avtoparkteriniń barlyq jolaýshylar kóligi jelide. Qaraǵandy ákimdiginiń habarlaýynsha, otyn qory qoǵamdyq kóliktiń úzdiksiz jumysyn qamtamasyz etý úshin jetkilikti.