Qaraǵandyda dene shynyqtyrý pániniń muǵalimi 13 jasar oqýshyǵa qol kótergen

QARAǴANDY. QazAqparat – Qaraǵandy orta mektepteriniń birinen janjal shyqty. Dene shynyqtyrý sabaǵy kezinde muǵalim jasóspirimge qol kóterip, ony edende súıregen, dep habarlaıdy QazAqparat tilshisi.

Qaraǵandynyń tanymal blogerleriniń biri óziniń Instagram paraqshasynda shaǵymdanyp kelgen áıel týraly post jarııalady.

Áıel on úsh jasar ulyna dene shynyqtyrý pániniń muǵalimi qol kótergenin habarlaǵan.

Oqytýshy balanyń basynan bir-eki ret soǵyp jiberip, búkil synyptastarynyń kózinshe keýdeshesiniń kapıýshonynan tartyp súırep ótken.

«Kimniń kináli ekenin bilmeımin, múmkin meniń ulym bul oqıǵa kezinde jaǵdaıdy ózi ýshyqtyrǵan shyǵar, biraq muǵalim balalardy urmaýy kerek, balanyń babyn taba bilýi kerek», - dep jazady oqýshynyń anasy.

Qaraǵandynyń bilim bólimi bolǵan oqıǵa týraly mynadaı túsinik berdi:

«Dırektor atalǵan fakti boıynsha qyzmettik tergeý bastalǵanyn jáne bolǵan jaǵdaı týraly dene shynyqtyrý pániniń muǵalimi baıandaǵanyn túsindirdi. Mekteptiń sport zalynda beınebaqylaý kamerasy bar, beınejazba bul jaǵdaıdy obektıvti túsinýge kómektesedi. Qyzmettik tergeý qorytyndysy týraly qosymsha habarlaımyz».