Qaraǵandyda bıýdjet qarjysyn jymqyrǵan kásipker sottaldy
13:52, 02 Shilde 2020
QARAǴANDY. QazAqparat - Qaraǵandy oblysynda alaıaqtyq jolmen bıýdjet aqshasyn jymqyrǵan kásipker sottaldy, dep habarlaıdy QazAqparat.
Mamyr aıynda Qarjy monıtorıngi komıtetiniń Qaraǵandy oblysy boıynsha ekonomıkalyq tergeý departamenti sotqa joldaǵan qylmystyq is boıynsha Shahtınsk qalasynyń soty úkim shyǵardy.
Kommertsııalyq kásiporyn dırektory is júzinde oryndalmaǵan jol jóndeý jumysyna tólem retinde alaıaqtyq jolmen memleket bıýdjetinen qarajat alǵan.
Memleketke kelgen zalal kólemi - 5,8 mln teńge.
Sot úkimi boıynsha aıyptalýshy kináli dep tabylyp, 3 jyl 6 aıǵa bas bostandyǵy shekteldi.
Ol sondaı-aq, qurylys jáne jol jóndeý salasynda kásipkerlik qyzmetpen aınalysý quqyǵynan 7 jylǵa aıyryldy.