Qaraǵandyda boıjetken 4-qabattan qulap ketti

QARAǴANDY. QazAqparat – Qaraǵandyda kópqabatty úılerdiń birinde 4-qabattaǵy balkonnan boıjetken qulap ketti. Ol komada jatyr, dep habarlaıdy QazAqparat tilshisi.

Oqys oqıǵa búgin Gogol kóshesindegi kópqabatty úılerdiń birinde boldy. 27 jastaǵy qyz 4-qabattaǵy balkonnan qulaǵan. Áleýmettik jelilerde kýágerdiń vıdeosy tarady. Kadrda dárigerler ony tekserip, aýrýhanaǵa alyp ketedi. Densaýlyq saqtaý basqarmasynan onyń jaǵdaıy týraly túsinikteme berildi.

«Naýqastyń mıyna zaqym kelgen. Ol komada jatyr», - dep habarlady oblystyq densaýlyq saqtaý basqarmasynyń baspasóz qyzmeti.

Polıtsııa jazataıym oqıǵanyń mán-jaıyn anyqtap jatyr.

«Bul derek polıtsııada tirkelgen. Qazir oqıǵanyń mán-jaıy anyqtalyp jatyr», - dep habarlady Qaraǵandy oblysy PD baspasóz qyzmeti.