Qaraǵandyda bólim bastyǵy jumysqa turǵyzamyn dep 500 myń teńge alǵan

QARAǴANDY. QazAqparat - Qaraǵandy oblysynyń №1 kómir ónerkásibindegi memlekettik qadaǵalaý bóliminiń bastyǵy alaıaqtyq jasady dep kúdikke ilindi. Bul jóninde Sybaılas jemqorlyqqa qarsy is-qımyl agenttigine silteme jasap QazAqparat habarlaıdy.

Qaraǵandy oblysynyń sybaılas jemqorlyqqa qarsy qyzmeti Qaraǵandy oblysy boıynsha Indýstrııalyq damý jáne ónerkásiptik qaýipsizdik komıteti departamentiniń №1 kómir ónerkásibindegi memlekettik qadaǵalaý bóliminiń bastyǵyna qatysty sotqa deıingi tergeýdi bastady.

«Ol bir azamatty «ArselorMıttal Temirtaý» AQ-na tıesili «Kazahstanskaıa» shahtasyna jerasty ken jumyskeri retinde jumysqa ornalastyrý úshin 500 myń teńgesin jymqyrdy dep kúdikke ilinip otyr. Kúdikti óz kinásin moıyndady. Qorǵaýshysy ekeýi kináni moıyndaý týraly mámilege kelýine baılanysty protsessýaldyq ustaý qoldanylǵan joq» delingen habarlamada.

Kúdiktige qatysty sońǵy sheshimdi sot shyǵarady.