Qaraǵandyda balalardyń jappaı ýlanýy: búgin taǵy eki bala aýrýhanadan shyǵady

QARAǴANDY. QazAqparat – Búgin Qaraǵandy oblystyq klınıkalyq aýrýhanasynyń ınfektsııalyq bólimshesinen arnaıy qyzmet kórsetý ortalyǵynan ýlaný belgilerimen aýrýhanaǵa jatqyzylǵan eki bala shyǵarylady, dep habarlaıdy QazAqparat tilshisi.

Eki balanyń jaǵdaıy aıtarlyqtaı jaqsardy, olar medıtsınalyq-áleýmettik mekeme dárigeriniń baqylaýynda bolady.

Alty bala áli jansaqtaý bóliminde jatyr. Olar táýlik boıy bilikti mamandardyń baqylaýynda.

«Statsıonarlyq emdeýdegi, onyń ishinde reanımatsııa bólimshesindegi balalardyń jaǵdaıy turaqty. 31.08.2023 j. kelip túsken, neıroboksırlengen bólimshedegi eki patsıentti shyǵarý josparlanýda», - dep habarlady Qaraǵandy oblysynyń densaýlyq saqtaý basqarmasy.

Esterińizge sala keteıik, 30 shildede Qaraǵandy oblysynyń Balalarǵa arnaýly áleýmettik qyzmet kórsetý ortalyǵynda birneshe bala ýlanyp, olardyń bireýi qaza taýyp, altaýy jansaqtaý bóliminde jatyr.

Bas prokýratýra ýákiletti memlekettik organdar men aýmaqtyq prokýrorlarǵa elde osyndaı mekemelerge keshendi tekserýler uıymdastyrýdy tapsyrdy.

QR Densaýlyq saqtaý mınıstri Ajar Ǵınııat habarlaǵandaı, ishek ınfektsııalaryna júrgizilgen synaqtar teris nátıje berdi. Balalardyń ýlanýynyń naqty sebebi áli de anyqtalýda.