Qaraǵandyda balalar temir joly iske qosyldy

QARAǴANDY. QazAqparat – Birinshi maýsymda Qaraǵandyda jańartylǵan balalar temir joly iske qosyldy. Tańerteńgi saǵat 11-de 9 ¾ platformasynan qaraǵandylyq «Hogvarts-ekspress» alǵashqy reısi attandy, dep habarlaıdy QazAqparat tilshisi.

Balalar men eresekter kelesi baǵytty kútýge jınaldy. Potterıananyń jankúıerleri úki arbasynyń janynda sýretke tústi.

Balalar temir jolyn qaıta qalypqa keltirip, kelbetin ózgertýge jarty jyldaı ýaqyt jumsaldy.

«Jumys qarasha aıynda bastaldy. Birinshiden, olar lokomotıvten kóptegen jyldar boıy birneshe qabat bolyp ketken eski boıaýdy qyra bastady. Zaýyttan shyqqan metalyna deıin tolyǵymen tazalandy. Árıne, qıyndyqtar az bolǵan joq. Máselen jańa qozǵaltqyshty tabý qıyndyqqa soqty. Bul rette bir tańǵajaıyp boldy dep aıtýǵa bolady. Petropavlda T-72 tankinen jańa qozǵaltqysh tabyldy. Ol bizdiń poıyzǵa jaraıdy. Qaraǵandylyqtardyń balalar temir jolyna jáne kóptegen urpaqqa tanymal potterıanǵa degen súıispenshiligin biriktirý ıdeıasy oıǵa keldi. Bul eski murany jańa túrde saqtaýdy bildiredi», - dedi Qaraǵandy qalasynyń Mádenıet jáne demalys saıabaqtary basqarmasy basshysynyń orynbasary Roman Kalachev.

Balalar temir jolyn jańartý jobasynda mashınıst bastyǵy Vıktor Lýtsenkonyń basshylyǵymen BTJ qyzmetkerleri eńbek etıi. Saıabaqtar basqarmasynyń sýretshisi Marına Zvorygına bezendirýge óziniń qııalyn qosqan.

Temirjolda shamamen 100 shpal jańartyldy. Stantsııanyń qasbeti de ózgerdi. Perron asfalttalǵan.

Tosynsyılar áli aıaqtalǵan joq. Jaqynda Hagrıdtiń lashyǵy salynyp aıaqtalady. Taǵy birneshe jańa foto aımaq paıda bolady. «Hogvarts-ekspress» zoobaq stantsııasynda toqtaıdy.

Birneshe jyldardan keıin balalardy temirjol mamandyǵyna oqytý qaıta bastaldy.

Foto: gov.kz