Qaraǵandyda azyq-túlikter tómendetilgen baǵamen satylatyn áleýmettik pavılondar ashyldy

QARAǴANDA. 29 qarasha. QazAqparat - Qaraǵandyda Tuńǵysh Prezıdent kúnine oraı jańa saýda standartymen jáne biregeı baǵa saıasatymen 20 áleýmettik pavılon ashyldy,

dep habarlady oblys ákiminiń baspasóz qyzmeti.

«Oǵan 100-den astam azyq-túlik túrleri qoıylǵan, onyń ishinde bazardyń baǵasynan 40 paıyzǵa tómen 18 áleýmettik mańyzdy azyq-túlik taýarlary bar», - delingen habarlamada.

 «Áleýmettik pavılondardyń jumysyn «Arqa» basqarýshy ınvestıtsııalyq kompanııa» AQ uıymdastyrdy. Arnaıy birlesken kásiporyn - «Arqa-Izobılıe» ortalyqtandyrylǵan óndiristik-bólshektik kompanııa» JShS quryldy», - delingen oblys ákiminiń baspasóz qyzmeti taratqan habarlamada.

Kásiporynda 160 jumys orny qurylǵan. Kompanııa áleýmettik pavılondar júıesin keńeıtýdi josparlaýda.

«Tuńǵysh Prezıdent kúnin merekeleý aıasynda oblys ortalyǵynda qosymsha 17 orynda azyq-túlik saýdasy, aýylsharýashylyq jármeńkesi uıymdastyrylady», - dep habarlady oblys ákiminiń baspasóz qyzmeti.