Qaraǵandyda avtobýsta bala ustaǵan ananyń ústine tereze synyp, qulaǵan

QARAǴANDY. QazAqparat – Búgin, 16 tamyzda tańǵy saǵat 9.45-te 21 jastaǵy qaraǵandylyq pen onyń bir aılyq qyzynyń ústine avtobýstyń búıir terezesi qulaǵan, dep habarlaıdy QazAqparat ekaraganda.kz-ke silteme jasap.

Boıjetken № 5 avtobýsynda Maıqudyqtan Ońtústik-shyǵysqa shaǵyn aýdanyna kele jatqan. Oqıǵa Dostyq úıi aýdanynda bolǵan.
Qaraǵandylyqtyń aıtýynsha, shyny sebepsizden sebepsiz synǵan: jol apaty da bolmaǵan, eshkim tas laqtyryp, syndyrmaǵan. Ol jolaýshynyń basyna qulaǵan. Qýanyshqa oraı, sábıdiń beti jabyq bolyp, aman qalǵan. Jas ana shashynyń arasynan shyny synyqtaryn alyp, qolyn jaraqattaǵan.
«Dostyq úıi aýdanynda shyny ústimizge qulady. Eshkim túsinbeı qaldy. Jol apaty bolǵan joq. Tas ta laqtyrǵan joq. Men qyzymmen birge terezeniń aldynda otyrǵan edim. Balanyń beti jabyq bolǵany jaqsy boldy. Onyń betine shyny synyqtary qulaıtyn edi. Onyń jamylǵysy synyqtarǵa tolyp qaldy. Basymnan da qanshamasyn aldym», - dedi jolaýshy.
№ 3 avtoparki oqıǵanyń mán-jaıyn anyqtap jatqanyn málimdegen.
Qaraǵandylyqtar áleýmettik jelide qaladaǵy jolaýshylar kóliginiń jaǵdaıyna jıi shaǵymdanady.