Qaraǵandyda atys bolyp, oqıǵa vıdeosy áleýmettik jelilerde tarady

QARAǴANDY. QazAqparat – Áleýmettik jelilerde keshe Qaraǵandyda bolǵan atystyń vıdeosy tarady, dep habarlaıdy QazAqparat tilshisi.

Kóshedegi beınebaqylaý kameralarynan alynǵan vıdeodan belgili bolǵandaı, atys Qaraǵandynyń Ońtústik-Shyǵysynda Táttimbet kóshesinde bastalǵan.

«VAZ 2114» avtokóliginde bolǵan shabýyldaýshylar «BMW X6» kóligine oq ata bastaǵan. Sondaı-aq, kólik turaǵynan jolǵa shyqqanda, «VAZ 2114» júrgizýshisi ótip bara jatqan kólikti soǵyp ótip, izin sýytpaqshy bolǵan.

Osy ýaqytta oq astynda qalǵan jol talǵamaıtyn kólik júrgizýshisi keri burylyp, shabýyldaýshylardy qýa jónelgen.

Tártipsizdikter kezinde qylmyskerlerdi ustaýǵa tyrysqan polıtsııa qyzmetkeri jaraqat aldy. 27 jastaǵy kúdikti ustaldy. Qazirgi ýaqytta ol tergeýge alyndy.