Qaraǵandyda arzan kókónis satatyn iri ortalyq ashylady

QARAǴANDY. QazAqparat - Kenshiler qalasynda «100 naqty qadam» - Ult josparynyń aıasynda elimizdegi eń iri zamanaýı bólshek saýda-úılestirý ortalyǵy salynyp jatyr, dep habarlaıdy QazAqparat.

Ortalyqtyń jalpy aýmaǵy 60 gektar. Onda elimizdegi «Soltústik-Ońtústik» baǵytynan keletin aýyl sharýashylyǵy ónimderi jetkiziledi. Sharýalar óz ónimderin deldarsyz saýdalaıdy, al qaraǵandylyqtar jyl boıy kókónisti arzan baǵamen satyp alady. Qurylystyń birinshi kezeńine 10,5 mlrd teńge jumsalady.

«Prezıdent tapsyrmasy boıynsha jáne memlekettik qoldaý arqyly Qaraǵandyda bólshek saýda-úılestirý ortalyǵy qurylysynyń jobasy iske asyrylyp jatyr. Munda qoıma logıstıkasy jáne onlaın-operatsııalardyń eń sońǵy tehnologııalary qoldanylady. Qurylystyń birinshi kezeńin bıyl jazda aıaqtaý kózdelip otyr. Ekinshi kezeńde aýyl sharýashylyq ónimderin qaıta óńdeý jumystary jolǵa qoıylady», - dedi Qaraǵandy oblysy ákiminiń orynbasary Almas Aıdarov.

Keshenniń ereksheligi jabyq pavılondarda bir mezette 164 júk kóligin syıdyra alady. Al ortalyqtyń barlyq ǵımarattaryna taza aýa almastyrylyp, ortalyqtan jylytylady. Munda qoıma termınaldary, klımattyq jáne qurǵaq qoımalar, túrli temperatýralyq rejımderi bar kameralar turǵyzylǵan. Budan basqa, aýmaqta keden aımaǵy men qonaq úı kesheni salynady.

«Biz «Bıznestiń jol kartasy» baǵdarlamasynyń quraldaryn. Nesıe sýbsıdııalanady. Munda barlyq qajetti kommýnıkatsııalar, sonyń ishinde temirjol da salynǵan», - dep atap ótti «Álfarýh» kompanııasynyń kommertsııalyq dırektory Naıl Munasıpov.
Sharýalar men satyp alýshylarǵa qolaıly bolý úshin «Tsıfrlyq Qazaqstan» saýda elektrondyq alańy iske qosyldy. Bul júıe saýdany onlaında júrgizýge múmkindik beredi.

Investıtsııalyq jobanyń arqasynda 500 jańa jumys orny ashylady. Bolashaqta bul kórsetkish 5 myńǵa deıin ósedi.