Qaraǵandyda Analar keńesi kúni ótti
Dostyq úıinde ótken Analar keńesi kúni «Nur Otan» partııasynyń HÚІІІ sezinde Memleket basshysy Nursultan Nazarbaevtyń bergen tapsyrmalaryn túsindirýge jáne nasıhattaýǵa arnaldy.
«Búginde Analar keńesi qazaqstandyq patrıotızmdi, toleranttylyqty jáne etnosaralyq kelisimdi, urpaqtar sabaqtastyǵyn, ulttyq dástúrler men otbasylyq qundylyqtardy nyǵaıtyp, saqtaýǵa ózindik úlesin qosyp keledi. Atalǵan shara aıasynda oblystyq QHA Analar keńesiniń tóraıymy, Janar Kenjeǵalıeva analardy tól merekesimen quttyqtap, názik jandylardyń qoǵamdaǵy rólin, damýshy elimizdiń analary jan- jaqty, zaman talabyna saı ekenin, jańa bastamalarǵa memlekettiń kórseter qoldaýy men tıgizer kómegi jaıynda sóz qozǵady», - delingen oblys ákimdiginiń resmı saıtynda .
Kezdesýge arnaıy kelgen «Nur Otan» partııasy Qaraǵandy fılıaly tóraǵasynyń birinshi orynbasary ıÝlııa Badına sezde qaralǵan máselelerdi sheshýge, aldaǵy 10 jyldyqqa, onyń ishinde 2021 jylǵa deıingi oryndalatyn tapsyrmalarǵa Ulttyq qordan qosymsha qarajat bólingenin atap ótti. Ol ásirese kópbalaly analarǵa ár bala úshin 21 myń teńgeden ataýly áleýmettik kómek kórsetiletini týraly aıtty.
Al áıelder qaýymyna jeke kásipti ashyp, damytýdaǵy alǵashqy qadamnyń jasalý joldaryn Qaraǵandy oblysy Іsker áıelder keńesiniń tóraıymy Janargúl Kúlmaǵambetova jan-jaqty baıandap berdi.
Qyzmeti men otbasyn qatar alyp júrgen kópbalaly isker ana, «Altyn toı», «Kelin kýrs» jobalarynyń avtory - Kánıkar Altyn basqosý aıasynda jas urpaqty tárbıeleýde ulttyq sal-dástúrlerimizdiń mańyzy zor ekenin aıtyp, jas analarmen aqyl-keńes bólisti.
Sondaı aq, basqa da kópbalaly analar kókeıkesti saýaldaryn qoıyp, olarǵa mardymdy jaýap aldy.
«Ár isti shyn nıetińmen bastasań, aıaǵynda óz jemisin bereri sózsiz. Analar keńesi Elbasy saıasatyn júzege asyrýǵa, ondaǵy aıtylǵan tapsyrmany tyndyrymdy atqarýǵa, memleket taǵdyryna tyń serpin berýge árdaıym atsalysady. Otbasylyq ómirde, otbasynyń dástúrleri men adamgershilik ustanymdary, shejiresi men tarıhy, otbasy músheleriniń ortaq qyzyǵýy men maqsat-múddeleri arqyly iske asady. Elbasynyń kópbalaly analardy qoldaý maqsatyndaǵy jańa tapsyrmalary kóńilge óte qonymdy jáne mańyzdy» ,- deıdi Janar Beısenbekqyzy.
Mańyzdy shara Qazaqstan halqy Assambleıasynyń «Qaıyrymdylyq kerýeni» aıasyndaǵy «Shashý» aktsııasyna jalǵasty. Shashý - qýanyshtyń aıǵaǵy retinde jasalatyn óte ádemi saltanatty dástúr. Bul jaqyn-jýyqpen tátti-dámdimen, qolda barymen bólisip, syılyqtar úlestirý. «Namýs» ázerbaıjan ulttyq-mádenı ortalyǵy» qoǵamdyq birlestiginiń tóraǵasy Gıýlaga Vekıl-oǵly Rzaev Maıqudyqtaǵy balalar úıiniń tárbıelenýshilerine syrtqy kúrteler, jemister men táttiler taratyp, balaqaılardy qýanyshqa bólese, oblystyq Assambleıa Qaıyrymgerler klýbynyń ókilderi jaǵdaıy tómen otbasylarǵa kómek kórsetti.
Keleli kezdesý men qaıyrymdylyq sharasy analardy 8 Naýryz - Halyqaralyq áıelder kúni merekesimen quttyqtaýmen jáne oblystyq QHA-nyń Alǵys hattaryn tabystaýmen támamdaldy.