Qaraǵandyda alaıaq múgedek áıeldiń atyna 3 mln teńgege jýyq nesıe rásimdegen
26 qazanda Qaraǵandy qalasy polıtsııa basqarmasy Oktıabr aýdandyq polıtsııa bólimine 52 jastaǵy qala turǵynynan aryz tústi. Áıel belgili bir tulǵa oǵan úsh taýar kredıtin rásimdegenin, sondaı-aq óz shotyna 459 myń teńge aýdarǵanyn habarlady. Shyǵyn somasy 1 mln. 804 myń teńgeni qurady. Atalǵan fakti boıynsha polıtsııa QR QK 190-baby «Alaıaqtyq» boıynsha qylmystyq is qozǵady.
«9 qarashada jedel-izdestirý sharalary barysynda krımınaldyq polıtsııa qyzmetkerleri kúdikti 18 jastaǵy qyzdy anyqtap, ustady. Ol óz kinásin moıyndady», - dep habarlady Qaraǵandy oblysy Polıtsııa departamentiniń baspasóz qyzmeti.
Tergeý barysynda jábirlenýshiniń múgedek ekeni jáne oǵan kútim qajet ekeni belgili boldy. Oǵan kúdikti járdem etken. Ótinish berýshiniń jeke málimetterine qol jetkize otyryp, ol olardy óz múddesi úshin paıdalanǵany anyqtaldy.
Sotqa deıingi tergeý barysynda polıtseıler kúdikti múgedek áıelge taǵy eki taýar nesıesin rásimdegenin anyqtady. Keltirgen zalaldyń jalpy somasy 2 mln.784 myń teńgeni qurady.