Qaraǵandyda «aqylǵa qonymsyz» trıýk jasaǵan júrgizýshi ustaldy

QARAǴANDY. QazAqparat – Polıtseıler áleýmettik jelilerge monıtorıng júrgizý barysynda jol júrý erejesin óreskel buzǵan júrgizýshini anyqtady, dep habarlaıdy QazAqparat Rolisia.kz-ke silteme jasap.

Vıdeo kadrlarynda júrgizýshi tereze arqyly qozǵalys ústindegi kóliktiń ústine shyǵyp ketkenin kórýge bolady. Janynda otyrǵan jolaýshy da sony jasamaq bolady.

Polıtseılerdiń aıtýynsha, júrgizýshi «aqylǵa qonymsyz» trıýk jasaǵan.

«Quqyq buzýshynyń jeke basyn anyqtaý maqsatynda oblystyń patrýldik polıtsııa polkiniń jeke quramyna baǵdar berildi.

Jedel-izdestirý is-sharasy barysynda qalanyń 20 jastaǵy jumyssyz turǵyny anyqtaldy.

QR Ákimshilik quqyq buzýshylyq týraly kodeksiniń 593-baby 2-bóligi jáne 606-babynyń 1-bóligi boıynsha hattama toltyrylyp, 15 AEK (1 AEK – 3450 teńge) mólsherinde aıyppul salyndy. Avtokólik aıypturaqqa qoıyldy. Al ınternet paıdalanýshylardy jańylystyrǵan foto Photoshop arqyly jasalǵan. Polıtseı bolýdy armandaǵan jas jigit nysanaly kıimdi kıip, áleýmettik jelilerge júktegen», - delingen polıtsııa habarlamasynda.