Qaraǵandyda adamdardy qutqarǵan podpolkovnık marapattaldy

QARAǴANDY. QazAqparat - Qaraǵandynyń Oktıabr aýdandyq qorǵanys isteri bóliminiń bastyǵy Dýman Bákirov Qaraǵandy oblysyndaǵy kúre jolda adamdardy qutqarǵany úshin QR Qorǵanys mınıstri Sáken Jasuzaqovtyń atynan alǵys hat aldy, dep habarlaıdy «QazAqparat» HAA tilshisi.

Erjúrek podpolkovnıkke alǵys hatty mınıstrdiń atynan «Astana» óńirlik qolbasshylyqtyń qolbasshysy Qaıdar Qaraqulov tabystady.

Kishipeıil áskerı qyzmetshi bul áreketin erlik dep sanamaıdy.

«17 jeltoqsan kúni 30-ǵa jýyq adam Qaraǵandy-Qarqaraly kúre jolynyń jıeginde, avtobýs mańynda turdy. Jylaǵan bala-shaǵa men tońǵan analardy únsiz tastap kete almas edim», - dep eske alady Dýman Bákirov.

Demalysqa shyqqan adamdardyń avtobýsy buzylyp, jolda qalǵan. Ne ótkinshi kólik ótpegen, ne kómek qolyn sozatyn bireý bolmaǵan.

«Men 30 adamnyń bárin demalys úıine jetkizýge sheshim qabyldadym. Kóligim jeńil mashına bolǵandyqtan, birneshe ret qatynadym», - deıdi ol.

Ol tońǵan jolaýshylardy kúni boıy tasymaldaǵan. Tipti erteńine olarǵa ózi habarlasyp, hal-jaǵdaıyn da suraǵan.

Dán rıza jolaýshylar birneshe kúnnen keıin Qaraǵandy oblystyq qorǵanys isteri departamentiniń basshylyǵyna qutqarýshyny yntalandyrýyn suraı júginedi.

Oǵan Qazaqstan qorǵanys mınıstri Sáken Jasuzaqovtyń atynan alǵys hat berildi.