Qaraǵandyda adam saýdasymen aınalysty degen Iordanııa azamaty elge ákelindi

ASTANA. QazAqparat - Qaraǵandyda adam saýdasymen aınalysty dep kúdikke ilikken Iordanııa azamaty Grýzııadan Qazaqstanǵa ekstradıtsııalandy, dep habarlaıdy QazAqparat QR Bas prokýratýrasynyń baspasóz qyzmetine silteme jasap.

«Búgin Bas prokýratýra qyzmetkerleri Qazaqstan ІІM Interpolymen yntymaqtastyqta qylmystyq jaýapkershilikke tartý úshin Grýzııadan Iordanııa azamaty Amer Salamehty Qazaqstanǵa ekstradıtsııalady. Ony Qaraǵandy oblystyq ishki ister departamenti adam saýdasymen aınalysty degen kúdikpen izdep jatqan bolatyn» delingen habarlamada.

Іs materıaldaryna qaraǵanda, Salameh 2016 jyly Qaraǵandyda Qazaqstan Respýblıkasynan tys jerde esirtki saýdasyna salý úshin qyzdardy aldap-arbady dep kúdikke ilikken.

«Qylmystan keıin kúdikti qylmystyq izdestirý organdarynan jasyrynǵan, osyǵan baılanysty oǵan halyqaralyq izdeý jarııalandy», - deıdi Bas prokýratýra ókilderi.

Qazirgi kezde Salameh Astana qalasyndaǵy tergeý ızolıatorynda.