Qaraǵandyda Abaıdyń 175 jyldyǵy men Ál-Farabıdiń 1150 jyldyǵyna arnalǵan debat týrnıri ótti

QARAǴANDY. QazAqparat – Qaraǵandyda uly aqyn-aǵartýshy Abaıdyń 175 jyldyǵyna jáne kórnekti fılosof Ábý Nasyr ál- Farabıdiń 1150 jyldyǵyna arnalǵan pikirsaıys týrnıriniń qorytyndysy shyǵaryldy, dep habarlaıdy QazAqparat tilshisi.

Sharany «Rýhanı jańǵyrý» baǵdarlamasy aıasynda oblystyq tilder basqarmasy uıymdastyrdy. Barlyq JOO-nan stýdentter-debaterler jarysty.

Týrnır onlaın-formatta ótti. Ǵalymdar men sarapshylar tórelik etti. Olar qatysýshylardyń sheshendik sheberligin, bilim deńgeıin jáne logıkasyn baǵalady.

Birinshi oryn men Úzdik komanda ataǵyna Qaztutynýodaǵy Qaraǵandy ekonomıkalyq ýnıversıtetiniń spıkerleri ıe boldy. Ekinshi oryndy Qaraǵandy ındýstrıaldy ýnıversıteti enshilese, úshinshi oryn E.A. Bóketov atyndaǵy Qaraǵandy memlekettik ýnıversıtetiniń komandasyna buıyrdy.

Qaraǵandy tehnıkalyq ýnıversıtetiniń «Samuryq» klýbynan Amantaı Ernııaz pikirtalastyń úzdik spıkeri bolyp tanyldy.

Jeńimpazdar dıplomdarmen, ataýly kýboktarmen jáne aqshalaı syılyqtarmen marapattaldy.