Qaraǵandyda 47 aýyl men aýdannyń óz bıýdjeti bolady

QARAǴANDY. QazAqparat - Qaraǵandy oblysynda jergilikti ózin-ózi basqarý organdarynyń bıýdjeti 47 eldi mekende maquldandy, dep habarlaıdy «QazAqparat» HAA tilshisi.

Endi turǵyndar sany eki myńnan asatyn 47 aýyl men aýdannyń óz bıýdjetteri bolady. Mundaı ózgeris 1 qańtardan bastap engizilip otyr.

«Jergilikti basqarýdyń qarjylyq derbestigi úshin aýyl bıýdjetine 7 salyqtyq jáne salyqtyq emes túsimder berildi. Atalǵan qarjy esebinen bilim, áleýmettik kómek, TÚKSh, mádenıet, sport, jol sııaqty 19 baǵyt boıynsha shyǵyndar qarjylandyrylady», -  dep habarlady oblys ákiminiń baspasóz qyzmetinen.

Memlekettik qyzmetkerler «Bıýdjettik protsester» kýrsynda memlekettik qarjyny durys jumsaýdy úırendi.

«Jergilikti ákimder bıýdjetti ýaqytyly jáne tolyq ıgerý boıynsha jaýap beretin bolady, onyń ishine jergilikti ózin-ózi basqarý bıýdjeti de kiredi»,-dedi oblys ákimi Erlan Qoshanov.