Qaraǵandyda 180 otbasyǵa jańa páterdiń kilti tabystaldy
180 otbasy Qaraǵandy qalasy «Jańa ortalyq» shaǵyn aýdanyndaǵy jańa turǵyn úılerden páter aldy.
Búgin qala ákimi Nurlan Áýbákirov januıalarǵa páter kiltterin tabys etti.
«Qaraǵandyda «Nurly jer» baǵdarlamasy aıasynda Jańa ortalyqta jeti 24 qabatty turǵyn úıdiń qurylysy bastaldy. Bes úı ońtústik-batys aýdanynda salynyp jatyr, onda 828 páter bar. 288 páteri bar «Shapaǵat» turǵyn úı kesheni úsh kezeginiń qurylysy júrip jatyr. Bul turǵyn úı ıpoteka alýǵa múmkindigi bar turǵyndarǵa beriledi», - dedi Nurlan Áýbákirov.
«Jańa ortalyq» shaǵyn aýdanyndaǵy páterlerdi kópbalaly otbasylar, jetimder, múgedek bala asyrap otyrǵan januıalar, bıýdjettik uıymdardyń qyzmetkerleri, tolyq emes otbasylar aldy. Páterlerdiń bir sharshy metriniń quny 100 myń teńgeni quraıdy.
«Jańa ortalyq» shaǵyn aýdany Qaraǵandynyń ońtústik-shyǵysynda salynyp jatyr. Úsh 14 jáne 16 qabatty úılerde jalpy aýdany 59 532 sharshy metrdi quraıtyn 1128 páter ornalasqan. Qurylys jumystary tolyǵymen 2018 jyly aıaqtalady dep josparlanýda. Búgingi kúni eki kópqabatty úılerdegi úsh blok-sektsııa qoldanysqa berilip, 552 páter tapsyryldy. Turǵyn úı keshenindegi basqa sektsııalarda qurylys jumystary kestege saı júrgizilip jatyr.