Qaraǵandy juqpaly aýrýlar aýrýhanasynyń dárigerlerine «Alǵys paketteri» tabys etildi
Nur Otan partııasynyń Sátbaev qalalyq fılıaly men «SPTVS» JShS jáne partııa ardageri Qorǵanbaı Qulsharıevpen birlesip, týberkýlezge qarsy dıspanserge, Ortalyq qalalyq aýrýhanaǵa jáne Sátbaevtyń medıtsınalyq-sanıtarlyq bólimine 200 lıtr qymyz, 50 kılogramm et jetkizdi.
Partııanyń Nura aýdandyq fılıaly «Jer» fermerlik qojalyǵymen birge 100 lıtr qymyz jınap, Nura aýdanynyń ortalyq aýrýhanasyna jetkizdi.
Ulytaý aýdanynyń turǵyny, sharýa qojalyǵynyń ıesi Dáýren Baıbolov óz aýdanynyń ortalyq aýrýhanasyna 200 kılogramnan astam et, 30 lıtr qymyz, 100 kılogramnan astam kókónis jáne basqa da azyq-túlik ákeldi.
Buqar jyraý aýdanynyń Qurmetti azamaty, aıtysker aqyn Aıtbaı Jumaǵulov Botaqara kentiniń aýrýhanasyna jaqyn arada jetkiziletin ÓJJ apparatyn satyp aldy.
Dárigerler de nazardan tys qalǵan joq. Olarǵa qaraǵandylyqtar «Alǵys paketterin» tabys etti. «Dárigerlerge myń alǵys» aktsııasy aıasynda Qaraǵandy qalasynyń №1 kópsalaly aýrýhanasy bazasynda juqpaly aýrýlar gospıtaliniń dárigerleri azyq-túlik jıyntyqtaryn aldy. Onda kún saıyn eki aýysymda 120-dan astam medıtsına qyzmetkeri eńbek etedi.
«Alǵys paketi» gospıtal qyzmetkerleriniń tilekterin eskere otyryp jasalǵan. Aptap ystyq kúnderi olar arnaıy kostıým, maska jáne qolǵappen júrýge májbúr. Árbir jıyntyqqa ylǵaldy maılyq, qol kremi, bal, lımon, mıneraldy sý, tabıǵı sýsyndar jáne basqalar kirdi.
Nur Otan partııasynyń Birgemiz respýblıkalyq aktsııasy aımaqta karantın tolyq aıaqtalǵanǵa deıin jalǵasady. Kún saıyn oǵan kóptegen adamdar atsalysyp, metsenattar, kásipkerler men eriktiler belsendi kómek kórsetedi.