Qaraǵandy jáne Pavlodar oblystarynda boranǵa baılanysty jol jabyldy
15:51, 24 Jeltoqsan 2022
ASTANA. QazAqparat - Aýa raıynyń buzylýyna baılanysty birqatar óńirde jol jabyldy, dep habarlaıdy QazAqparat.
«QazAvtoJol» kompanııasynyń málimetinshe, Qaraǵandy oblysynda «Qyzylorda-Pavlodar» tasjolynyń 1065-1135 shaqyrym aralyǵy, Molodejnyı aýylynan Pavlodar oblysynyń shekarasyna deıingi ýchaske jabyq.
Oǵan boran men joldyń kórinbeýi sebep boldy.
Sondaı-aq Pavlodar óńirinde «Qyzylorda-Pavlodar» tasjolynyń 1135-1206 shaqyrymy, atap aıtqanda Qaraǵandy oblysy shekarasynan Shiderti aýylyna deıingi aralyǵy jabyldy.