Qaraǵandy ýnıversıtetiniń áskerı kafedrasynda tank trenajeri iske qosyldy

QARAǴANDY. QazAqparat - Qaraǵandyda T-72 tankisiniń mehanık-júrgizýshilerin daıyndaýǵa arnalǵan biregeı trenajer jasaldy. Ony Qaraǵandy memlekettik tehnıkalyq ýnıversıtetiniń áskerı kafedrasynyń qyzmetkerleri ázirlegen, dep habarlaıdy QazAqparat tilshisi.

Kýrsanttar onda áskerı mashınalardy basqarý daǵdysyn pysyqtaı alady.

«Kórnekilik úshin júrgizýshi-mehanıktiń orny bólek turǵyda kórsetilgen. Trenajerdiń kómegimen qozǵaltqyshty ártúrli tásildermen daıyndaý jáne iske qosý, júrgizý elementteri, sondaı-aq motoresýrstardyń shyǵynsyz jasandy jáne tabıǵı kedergilerden ótý pysyqtalady. Sonymen qatar, trenajer kýrsantqa quraldardyń osy tankte ornalasýyn tez úırenýge múmkindik beredi», - dedi áskerı kafedra bastyǵynyń orynbasary zapastaǵy polkovnık Asqar Satylhanov.

T-72 Qazaqstan armııasynyń quramyna engizilgen. Trenajer mehanık-júrgizýshi orny áskerı kóliktiń parametrlerine uqsas.

«Biz basqarý organdaryn, qosalqy mehanızmderdi, aspaptardy ornalastyrý syzbalaryn ázirlep, jasadyq. Bul trenajerdiń qosymsha artyqshylyǵy onyń mobıldiligi bolyp tabylady, ıaǵnı ony bir orynnan ekinshi orynǵa jyljytýǵa bolady», - dep atap ótti áskerı kafedranyń aǵa ınjeneri zapastaǵy polkovnık Igor Tıýnın.

QarMTÝ áskeri kafedrasy qyzmet etip kele jatqan 66 jyl ishinde onda 20 myńnan astam ofıtserler men zapastaǵy serjanttar tálim alǵan. Kóptegen túlekter QR Qarýly kúshterinde jáne basqa da vedomstvolarynda qyzmet atqarady.