Qaraǵandy ýnıversıteti ǵylymı tehnopark salyp jatyr

QARAǴANDY. QazAqparat – Akademık E. Bóketov atyndaǵy Qaraǵandy ýnıversıtetiniń aýmaǵynda ǵylymı tehnopark salynyp jatyr. Jańa ǵımaratta irgeli, qoldanbaly jáne tájirıbe-konstrýktorlyq ázirlemelerdi iske asyrý úshin zamanaýı zerthanalar men zertteý ortalyqtary ashylady, dep habarlaıdy QazAqparat tilshisi.

Tehnopark bazasynda stýdentter, magıstranttar jáne PhD doktoranttar zamanaýı jabdyqtardy qoldana otyryp bilim alady, sondaı-aq dıplomdyq jumystary men jobalaryna zertteý praktıkasyn júrgizedi.

«Bizdiń stýdentter, magıstranttar men doktoranttar kontıngenti jyl saıyn artyp keledi. Tórt myńnan astam adam jaratylystaný-ǵylymı jáne tehnıkalyq mamandyqtarda oqıdy. Ýnıversıtet zamanaýı oqý-zertteý zerthanalaryna degen qajettilikti sezinýde. Kommertsııalyq emes aktsıonerlik qoǵamyna aýysýyna baılanysty ýnıversıtet tehnoparkter ashý quqyǵyn aldy. Bul ǵylymı jobalardy kommertsııalandyrý úshin qajetti shart. Tehnoparktiń ashylýy ǵalymdardyń qoldanbaly jobalaryn iske asyrý úshin alań qurýǵa múmkindik beredi», – deıdi E. Bóketov atyndaǵy QarÝ ákimshilik-sharýashylyq qyzmeti jónindegi prorektory Asylbek Moldabaev.

Qurylys ýnıversıtettiń óz qarajaty esebinen júzege asyrylady. Bul maqsatqa 485 mln teńgeden astam qarjy bólindi.

Eki qabatty keń ǵımarattyń birinshi qabatynda tájirıbelik-eksperımenttik baza ornalasatyn bolady.

Injenerlik profıl zerthanasy sýdyń, topyraqtyń jáne munaı ónimderiniń fızıka-hımııalyq synamalaryna arnalǵan. Al ıondyq-plazmalyq tehnologııalar ǵylymı-zertteý ortalyǵynda kún batareıalaryn, jaryqdıodty shamdardy, ártúrli morfologııalyq ólsheý datchıkterin jáne materıal qurylymyn daıyndaý júrgiziledi.

Tehnıkalyq, sanıtarlyq jáne ákimshilik úı-jaılardan basqa, ǵımaratta konferents-zal, startap-jobalarǵa arnalǵan keńseler jáne robototehnıka zerthanasy ornalasady.

Qurylysty 2024 jyly aıaqtaý josparlanǵan.