«Qaraǵandy-Temirtaý» jolyn jańartý bıyl aıaqtalady

NUR-SULTAN. QazAqparat - Bıyl qazanda uzyndyǵy 15 shaqyrymnan asatyn Qaraǵandy-Temirtaý tas jolyn qaıta jańartý aıaqtalady. Bul jaıynda QR Indýstrııa jáne ınfraqurylymdyq damý vıtse-mınıstri Berik Kamalıevtiń Qaraǵandy oblysyna jumys sapary barysynda belgili boldy, dep habarlaıdy QazAqparat tilshisi.

Atalǵan vedomstvo taratqan aqparatqa qaraǵanda, «Qaraǵandy-Temirtaý» ýchaskesindegi jol jóndeý jumystaryna 141 birlikten turatyn arnaıy tehnıka jumyldyrylǵan. Qurylys jumystary barysynda 47 jergilikti turǵyn jumyspen qamtylǵan.

Qazirgi ýaqytta nysanda qıyrshyq-qum-tsement qospasynan jasalǵan negiz qabatyn ornalastyrý, sý ótkizý qubyrlaryn montajdaý, jer tósemin janastyrý, jaramsyz topyraqty tańdaý boıynsha jumystar júrgizilip jatyr.

Mınıstrlik málimetine qaraǵanda, bıyl qaıta jóndeý jumystary 4 kólik aıryǵynda da aıaqtalady.