Qaraǵandy,Temirtaý jáne Jezqazǵan qalalaryn gazdandyrý jobasy tolyq aıaqtaldy
Aıta keterligi, buǵan deıin Qaraǵandy oblysyn gazdandyrý tejelip otyrǵany týraly aqparat shyqqan bolatyn. Onda Parlament Májilisiniń Ekologııa máseleleri jáne tabıǵat paıdalaný komıtetiniń otyrysyndaǵy dóngelek ústelde óńirdi gazdandyrý jumysynyń jobalaý jáne saraptamadan ótkizý sozylyp ketýi múmkin ekendigi sóz bolǵan.
Oblys ákimdigi baspasóz qyzmetiniń keltirgen málimetine qaraǵanda, dóńgelek ústelde kórsetilgen máseleler aımaqtyń gazdandyrýyn táýekelge soqtyrmaıdy.
«Bul suraqtardy sheshý úshin Májilis depýtattaryna Qazaqstan Respýblıkasy Úkimeti men 2012 jyly bekitilgen gazdandyrý shemasyna baılanysty Qazaqstan Respýblıkasy Ulttyq ekonomıka mınıstriniń 2015 jylǵy 1 sáýirdegi № 299 buıryǵyna tehnıkalyq-ekonomıkalyq negizdeme ázirleý qajettiligi bóliginde ózgeris engizýge kómek kórsetýge usynys berilgen bolatyn. Búgingi kúnge Qaraǵandy, Temirtaý jáne Jezqazǵan qalalaryn gazdandyrý jobasy tolyq aıaqtaldy. Jezqazǵan qalasy boıynsha saraptama qorytyndysy alyndy, Qaraǵandy jáne Temirtaý qalalary boıynsha jobalar memlekettik saraptamadan ótýde», - delingen baspasóz baıanynda.
Budan bólek, atalǵan qalalardy gazdandyrý shemasy kelisilip, kezekter men alǵashqy iske qosý kesheni anyqtalǵan. Atap aıtqanda, Qaraǵandy qalasynda - Mıhaılovka aýdany, Temirtaý qalasynda - Stepan Razın kóshesi, Jezqazǵan qalasynda - Prıstantsıonnyı jáne Talap aýdandary belgilengen. Bul rette gaz taratý jelileriniń qurylysy 2019 jyldyń ekinshi jartysynda josparlanyp otyr.