Qaraǵandy temir jol vokzaly ýaqytsha jabylady
Jolaýshylarǵa qyzmet kórsetý avtovokzal ǵımaraty men perronda júrgiziledi.
Qaraǵandy temirjol vokzalyn qaıta jańartý nysandy paıdalaný kezeńinde barlyq qajetti óndiristik jumystar rásimin saqtaı otyryp, 2018 jyldyń tamyzynan beri júzege asyrylyp jatyr
Joba boıynsha 2-5 jol erkin qozǵalý úshin lıftiler men eskalatorlar ornatylyp, jylytylatyn jabyq konkorstyq ótpe salynady. Vokzalda operatsııalyq jáne servıstik aımaqty ajyratý josparlanǵan. Operatsııalyq aımaqta kassalyq zal, anyqtama bıýrosy jáne kútý zaly bolady. Al servıstik aımaqta shashtarazdar, saýda dúńgirshekteri, tamaqtaný oryndary, shaǵyn-marketter, servıs-ortalyq, ana men bala bólmesi jáne saqtaý kameralary ornalasady.
Vokzalda múmkindigi shekteýli tulǵalar kedergisiz júrip-turý úshin barlyq jaǵdaı jasalady. Jolaýshylardyń platformalarda jaıly qozǵalýy úshin qalqalar ornatý josparlanǵan.
Qaıta jańartylǵannan keıin vokzaldyń aýmaǵy 1600 sharshy metrden 3900 sharshy metrge deıin ulǵaıyp, jolaýshylardy ótkizý qabileti táýligine 4000 ornyna 7000 jolaýshyǵa deıin artady, al otyrǵyzý orny 417-den 670 orynǵa deıin kóbeıedi.