Qaraǵandy saıabaqtarynyń óńi kirip qaldy
«Mádenıet, demalys saıabaqtary jáne gúlzarlar basqarmasy» MM-niń jumysshylary sońǵy ýaqytta taıaýdaǵy tekseris kezinde tabylǵan olqylyqtardyń ornyn toltyrýmen aınalysty. Tekseris barysynda sýburqaqtardyń syrtqy plıtalaryna, trotýar joldaryna, qoqys pen kóshedegi oryndyqtarǵa, qoqysqa arnalǵan ýrnalarǵa, kishigirim sáýlet músinderine qatysty eskertýler jasaldy.
«Núrken Ábdirov dańǵylyndaǵy kespe jol jóndeldi, otyratyn oryndyqtardy túzep, qataıttyq, sondaı-aq, qoqysqa arnalǵan ýrnalar aýystyryldy. Dál osyndaı jumystar Jeńis saıabaǵy men Ortalyq saıabaqta da júrgizildi. Sýburqaqtyń mozaıka-plıtkasy synyp ketken. Jetpeıtin jerleri qaıta ornatyldy. Sondaı-aq, «Jastar» Mádenıet úıiniń mańyndaǵy, «Máńgilik alaý» memorıalynyń artynda ornalasqan saıabaqtaǵy sýburqaqtardyń plıtalaryn jóndedik. Dostyq kóshesiniń saıabaǵynda turǵan iske jaramaıtyn balalar átkenshekterin alyp tastadyq. «Shalqyma» kontsert zalynyń mańyndaǵy saıabaqtyń trotýar joldary men jasandy jabynyn qaıta qalpyna keltirdik. Ásirese, Medıtsınalyq kóshesindegi saıabaqta kóp jumys atqaryldy. Bul jerde kireberis arka men oıyn zattary, oryndyqtar, qoqysqa arnalǵan ýrnalar boıaldy. Sondaı-aq, mańaıdaǵy jabaıy aram shópti túgeldeı julyp tastadyq», - deıdi «Mádenıet, demalys saıabaqtary jáne gúlzarlar basqarmasy» MM-niń abattandyrý jónindegi mamany Almaz Omarov.
Tekseris kezinde biraz olqylyqtar tabylǵanymen, kásiporyn qyzmetkerleri olardyń ornyn toltyrý úshin kún saıyn úlken jumystar atqarýda. Jumysshylar qala turǵyndary demalatyn oryndardy tazalap, jasyl jelekti kútip-baptap, jóndeý jumystaryn jasap júr.
Qaraǵandy parkteri men saıabaqtarynyń syrtqy kórinisi men tártibiniń saqtalýyn basqarma basshysy tikeleı óz baqylaýyna aldy.