Qaraǵandy polıtsııasy eskertkishti qıratqan vandaldardyń isin tekserip jatyr
14:57, 25 Shilde 2018
QARAǴANDY. QazAqparat - Qaraǵandyda «Qaza tapqan kenshiler» eskertkishin zaqymdaý faktisi boıynsha sotqa deıingi tergeý jumystary bastaldy, dep habarlaıdy QazAqparat tilshisi.
Oblystyq ІІD habarlaǵandaı, qaza tapqan kenshiler eskertkishin zaqymdaý faktisi boıynsha QR Qylmystyq Kodeksiniń 294-baby «Vandalızm» boıynsha sotqa deıingi tergeý jumystary bastaldy.
Polıtsııa qyzmetkerleri kúdiktilerdi anyqtaý jáne ustaý sharalaryna kiristi. Qylmysty ashý maqsatynda kýágerler tergelip jatyr.
Budan bólek, Qaraǵandy qalasy ishki ister organdarynyń barlyq jeke quramy jumyldyryldy.
Eske salaıyq, vandaldar 23 shildege qaraǵan túni monýmentke zalal keltirgen. Belgilisiz urylar mystan jasalǵan áripterdi áketip qana qoımaı, granıt taqtalardy julyp alyp, qıratqan. Keıin memorıaldy qaıta qalpyna keltirý jumystary qolǵa alyndy.