Qaraǵandy polıtseıleri terrorıstik aktiden qaza tapqandardy eske aldy

QARAǴANDY. QazAqparat – Qaraǵandy oblysy polıtsııa departamentiniń qyzmetkerleri jappaı tártipsizdikte qaza bolǵan polıtseıler men áskerı qyzmetshilerdi bir mınýt únsizdikpen eske aldy, dep habarlaıdy QazAqparat tilshisi.

Qaraǵandy oblysynyń polıtsııa departamentinde Qazaqstan Respýblıkasynda jasalǵan terrorıstik aktiden qaza bolǵandardy aza tutý rásimi ótti.

Onyń ishinde segiz polıtsııa qyzmetkeri men QR Ulttyq ulanynyń áskerı qyzmetshileri bar.

«Olar batyrlyq pen erlik kórsete otyryp, qyzmettik jáne áskerı mindetin ómiriniń sońyna deıin adal oryndady. Áriptesterimiz týraly estelik ishki ister organdary qyzmetkerleriniń jáne barsha Qazaqstan halqynyń júreginde máńgilkke qalady. Biz, ishki ister organynyń qyzmetkerleri qylmyskerlerdi quryqtap, olardyń tıisti jazasyn alý úshin barlyq kúsh-jigerimizdi salamyz», - dedi Qaraǵandy oblysynyń komendanty Erlan Faızýllın.

Polıtsııa qyzmetkerleri qaza bolǵan áriptesterdi bir mınýttyq únsizdikpen eske aldy.