Qaraǵandy oqýshylary respýblıkalyq olımpıadadan 21 medal jeńip aldy

QARAǴANDY. QazAqparat – Qaraǵandy oblysynyń olımpıada komandasy 25-30 sáýir aralyǵynda jalpy bilim beretin 16 pán boıynsha oqýshylardyń respýblıkalyq olımpıadasynyń qorytyndy kezeńine qatysty, dep habarlaıdy QazAqparat tilshisi.

Qaraǵandylyq olımpıadashylar 21 medalge ıe boldy: olardyń qorjynynda jeti altyn, úsh kúmis jáne on bir qola júlde bar.

Quramanyń qatarynda olımpıadanyń oblystyq kezeńiniń 88 jeńimpazdary men júldegerleri boldy.

Zııatkerlik jarystar Oqylyk.kz platformasynda proktorıng júıesin paıdalaný arqyly respýblıkanyń barlyq óńirlerinde bir mezgilde júzege asyrylady.

Aıta keteıik, «Úzdik olımpıadalyq mektep – 2021» nomınatsııasy boıynsha jalpy bilim beretin pánder boıynsha respýblıkalyq olımpıadada Qaraǵandy «Bilim-Innovatsııa» lıtseı-ınternaty úshinshi oryndy ıelendi.

Olımpıada jeńimpazdaryn QR Bilim jáne ǵylym mınıstri Ashat Aımaǵambetov quttyqtady.

Qaraǵandy komandasyn bilim basqarmasynyń basshysy Gúlsim Qojahmetova marapattap, oqýshylarǵa dıplomdar men medaldar tabys etti.