Qaraǵandy oblysynyń jastary arasynda Amanjolov oqýlary bastaldy
Sharany Mádenıet, muraǵattar jáne qujattamalar basqarmasynyń qoldaýymen N.V. Gogol atyndaǵy ámbebap ǵylymı kitaphana ótkizedi. «Sen netken baqytty ediń, keler urpaq...» atty X-respýblıkalyq Qasym Amanjolov oqýlary 2020 jyldyń 21 qazanynda ZOOM platformasynda onlaın-formatta ótedi. Baıqaýǵa 16 jastan 25 jasqa deıingi azamattar qatysa alady.
Osy jyly Qasym Amanjolov týyndylaryn jatqa oqıtyn bolady. Árbir úmitker avtordyń keminde 25 óleńin jatqa bilýi tıis. Poetıkalyq mereke qatysýshysy jatqa biletin týyndylar tizimin jáne mátinin kraeved_2014@mail.ru poshtasyna jiberýi kerek. Tizim basqa tilge (orys, tatar, ázerbaıjan, qyrǵyz, túrik, nemis, ózbek jáne basqa) aýdarylǵan aqynnyń eki óleńinen turýy tıis. Baıqaýǵa qatysýshy Q.Amanjolov qazaq tiline aýdarǵan keminde eki aqyndyq mátindi bilýi tıis (A. Pýshkın, M. Lermontov, N. Nekrasov, T. Shevchenko, V. Maıakovskıı jáne basqalary.
Poetıkalyq shyǵarmalardy oqý ýaqyty 5-6 mınýttan aspaýy tıis.
Ádilqazy jatqa oqylǵan óleńder sany men sapasyn, mánerlep oqý tehnıkasyn, sahnalyq mádenıeti men akterlik sheberlikti baǵalaıdy.
Ádilqazylar quramyna tanymal aqyndar, jazýshylar, ǵalymdar men muǵalimder kiredi.
Ótinishter 2020 jyldyń 10 qazanyna deıin qabyldanady. Jeńimpazdar 21 qazanda saǵat 16:00-de ZOOM platformasynda jarııalanady.
Baıqaýdyń júlde qory:
Bas báıge (bireý) - 250 000 teńge;
I – oryn (bireý) - 150 000 teńge;
II – oryn (bireý) - 100 000 teńge;
III – oryn (eki) - 75 000 teńge;
yntalandyrý syılyǵy (ekeý) - 30 000 teńgeden.
Baıqaýǵa qatysý ótinishinde úmitker kesteni toltyryp, aty-jónin, jumys nemese oqý ornyn, tobyn, synybyn kórsetip, jeke kýálik kóshirmesi bar barlyq málimetti kraeved_2014@mail.ru poshtasyna jiberýi kerek.
Qosymsha suraqtar úshin baılanys nómirleri: (8-7212) 56-76-55, 56-74-64; 8-701-776-38-19, 8-700-776-38-19, 8-702-637-72-56, 8-747-332-67-26 (qazaq tilinde); 8-700-485-28-74, 8-771-195-60-65 (orys tilinde).