Qaraǵandy oblysynyń veterınarııalyq stantsııalaryna jańa kólikter berildi
Chevrolet cobalt jáne Chevrolet Nexia markaly avtomobılder otandyq óndirýshiden satyp alynǵan. Olar jeti aýdannyń veterınarııalyq stantsııalary men Balqash jáne Qaraǵandy qalalaryna taratyldy.
«Qyzmettik avtokólik 2012 jyldan beri jańartylmaǵan. Mashınalardyń 17%-ǵa jýyǵy jaramsyz bolyp qaldy. Jańa mashınalar jedel áreket etý úshin barlyq stantsııalarǵa berildi. Aýrý taraǵan nemese mal qyrylǵan jaǵdaıda biz shuǵyl túrde zerthanaǵa aparý kerek materıaldy alamyz. Kólikter jolda buzylǵan jaǵdaılar boldy. Al, synama úlgisi tek 4-5 saǵat ishinde jaramdy. Jańa qyzmettik kólik bizdiń veterınarlarǵa óz jumystaryn tez ári sapaly oryndaýǵa kómektesedi», - deıdi Qaraǵandy oblysy veterınarııa basqarmasynyń basshysy Qaıyrbek Tursynbekov.
Oblys ákiminiń aıtýynsha, bıyl veterınarlyq stantsııa qyzmetkerleriniń jalaqysy 50%-ǵa ósti.
«Oblystyq bıýdjetten veterınarlardy qoldaý boıynsha qajetti qarjylandyrý bólindi. Búgingi tańda 672 qyzmetkerdiń jalaqysy 50%-ǵa ósti. Biz aldymyzǵa sizderdiń kásibı qyzmetterińiz úshin qajetti eńbek jaǵdaılaryn qamtamasyz etý mindetin qoıyp otyrmyz», - dedi Qaraǵandy oblysynyń ákimi Jeńis Qasymbek.
Osakarov aýdanynyń bas veterınary ıÝrıı Sergeev qazirgi kúrdeli ýaqytta mundaı qoldaýdyń óte mańyzdy ekenin aıtady.
«Bizdiń jumysymyzda kóliksiz óte qıyn. Aýdan úlken – Osakarovkadan bir baǵytta 120-150 km, ekinshisine shamamen 100 shaqyrym jol júrý kerek. Bizge kólikter óte qajet, sebebi profılaktıkalyq jáne dıagnostıkalyq sharalarǵa, shalǵyndarǵa baramyz. Olardyń arasynda dala joldarymen 20 shaqyrymnan astam jol júrý kerek. Jańa mashınalar bizdiń jumysymyzdy jedel oryndaýǵa múmkindik beredi», - deıdi ol.