Qaraǵandy oblysynyń turǵyny jolda bosanyp qaldy

QARAǴANDY. QazAqparat – Aqtoǵaı aýdanynyń aýyldyq feldsheri borandy kúni jol ústinde tolǵaǵy qysqan kelinshekti bosandyryp aldy, dep habarlaıdy QazAqparat tilshisi.

28 qańtar kúni Aqtoǵaı aýylynan Balqashqa barar jolda aýdandyq feldsherge jedel járdem kóliginde bir áıelge kómek kórsetip, bosandyryp alýǵa týra keldi.

«Narmanbet eldi mekeniniń mańynda felsher Ysqaqova Baıan Muratqyzy jedel járdem kóliginiń ishinde aýyl turǵynyn bosandyryp aldy. Oǵan úlken rahmet. Biz aýyldy mekenderimizde osyndaı óz isiniń bilikti mamandary bar ekenin maqtan tutamyz», - dep habarlaıdy Qaraǵandy oblysy Densaýlyq saqtaý basqarmasynyń baspasóz qyzmeti.

Dúnıege salmaǵy 2370 gramm jáne boıy 47 sm ul bala keldi.