Qaraǵandy oblysynyń turǵyndarynan medıtsınalyq saqtandyrý qoryna 27 myń ótinish tústi

QARAǴANDY. QazAqparat – 2020 jyldyń 11 aıynda qaraǵandylyqtar keńes alý, usynystar men shaǵymdar úshin medıtsınalyq saqtandyrý qoryna 27 255 ret júgingen, dep habarlaıdy QazAqparat tilshisi.

Aımaq turǵyndary 1406 baılanys ortalyǵyna qońyraý shalyp, Qoldau 24/7 mobıldi qosymshasy jáne SaqtandyryBot telegram-boty arqyly keńes alýǵa ótinishter qaldyrǵan.

«Ótinishterdiń ishinde 591 shaǵym medıtsınalyq kómektiń sapasy men qoljetimdiligine qatysty boldy. Árbir is jeke qaraldy. Sondaı-aq, Qaraǵandy oblysynyń 606 turǵyny medıtsınalyq uıymdar men naqty dárigerlerge alǵys bildirý úshin Qorǵa júgingen», - dep málimdedi Medıtsınalyq saqtandyrý qorynyń Qaraǵandy fılıalynyń baspasóz qyzmeti.

Qazaqstan boıynsha 2020 jyldyń 11 aıynda medıtsınalyq saqtandyrý qoryna 646 myń ótinish tústi. 1406 baılanys ortalyǵy 563 myńnan astam qońyraý qabyldady, Qoldau 24 mobıldi qosymshasynda jyl basynan beri azamattardan 72 myńnan astam habarlama tirkeldi. Saqtandyrybot telegram-boty arqyly 2 489 ótinish tústi.