Qaraǵandy oblysynyń turǵyndary 80% jergilikti ónimmen qamtamasyz etilmek
Búginde oblystyń aýylsharýashylyq salasynda 24 myń adam jumys isteıdi. Salany qoldaýdyń arqasynda jańa jumys oryndary ashylýda.
«Aýyl amanaty» jobasy boıynsha aýyl turǵyndaryna 3,4 mlrd teńge somasyna 653 shaǵyn nesıe beremiz. Kópbalaly otbasylarǵa, AÁK alýshylarǵa jáne NEET jastaryna erekshe nazar aýdaratyn bolamyz. Qazirdiń ózinde 353 ótinim qabyldandy», - dedi oblys ákimi Ermaǵanbet Bólekpaev Ortalyq kommýnıkatsııalar qyzmetiniń alańynda ótken brıfıngide.
Ákimniń aıtýynsha, salany damytý esebinen aýyldarda 2,5 myń jańa jumys ornyn ashý josparlanǵan. Naryqty jergilikti azyq-túlikpen qanyqtyrý jalǵasady.
Búginde óńirde mal sharýashylyǵy óniminiń kólemi 65 mlrd teńgege jetti. Fermerlik sharýashylyqtarda 390 myń jylqy, 620 myń sıyr jáne buqa, 1 mln qoı men eshki bar, 3,7 mln bas qus bar.
Ósimdik sharýashylyǵynyń kólemi de únemi artyp keledi. Bıyl agrarshylar 1,2 mln ga jerge dán ekti, bul kórsetkish byltyrǵy jyldan 22 myń ga kóp. Oblysta kartop pen kókónis otyrǵyzylǵan alqaptar ulǵaıtyldy.