Qaraǵandy oblysynyń Tótenshe jaǵdaılar departamentinde kadrlyq almasýlar boldy
QR TJ mınıstriniń buıryǵymen oblystyń birqatar aýdanynda vedomstvo bólimderiniń basshylary taǵaıyndaldy.
«Nura aýdandyq TJ bóliminiń bastyǵy bolyp buǵan deıin Osakarov aýdandyq bólimin basqarǵan órtke qarsy qyzmetiniń podpolkovnıgi Danııar Súleımenov taǵaıyndaldy.
Óz kezeginde Nura aýdany boıynsha TJ bóliminiń burynǵy bastyǵy, órtke qarsy qyzmetiniń kapıtany Arman Ahmetjanov Jańaarqa aýdanyna osyndaı qyzmetke aýystyryldy.
Buǵan deıin Jańaarqa aýdanynyń TJ bólimin basqarǵan órtke qarsy qyzmetiniń maıory Qýanysh Dúısembekov Shet aýdanyndaǵy osyndaı bólimniń basshysy bolyp taǵaıyndaldy.
Al Osakarov aýdany boıynsha TJ bóliminiń bastyǵy bolyp órtke qarsy qyzmetiniń kapıtany Baýyrjan Arystanbekov taǵaıyndaldy. Ol buǵan deıin Shet aýdany boıynsha TJB-niń bas mamany bolyp qyzmet etti», - dep habarlandy oblystyq TJD-niń baspasóz qyzmetinen.