Qaraǵandy oblysynyń taýar óndirýshileri bıznestiń jańa baǵyttaryn meńgerýde
Oblys ákimdiginen málim etkendeı, birqatar kásiporyn barynsha tez qaıta beıimdeldi jáne pandemııa ýaqytynda qajetti taýarlardy shyǵara bastady. Olar aınalymdaryn ósirip, jańa qyzmetkerlerdi alyp jatyr.
Máselen, geomembrana, polıetılen jáne polımer ónimderiniń otandyq óndirýshisi - «Holdıng Altyn Arna» JShS – dezınfetsııalaýshy keshenderdi daıyndaýdy meńgerdi.
«Dezınfektsııalaýshy keshen - metall jáne polıkarbonattan turatyn tonnel. Onda dezınfektsııa zattaryn joǵary qysymmen búrkıtin tozańdatqyshy bar sorǵy stantsııasy ornatylǵan. Mehanızm qozǵalys datchıginiń arqasynda jumys isteıdi. Qazir 10 tonnel daıyn», - dedi kompanııa quryltaıshysy Renat Mınhaırov.
«UniFarm21» JShS kompanııasy bıylǵy qysta ashyldy. Onyń basshysy Natalıa Aleskerova basynda betperdeler men antıseptıkter tapshy taýar bolatynyn tipti oılamaǵan. Kompanııa kásiporyn ornalasqan Saran qalasynyń, múmkindik bolǵan jaǵdaıda barlyq oblys turǵyndarynyń suranysyn óteýi tıis boldy.
«Koronavırýs sol sátte Qytaıda órship turdy, onyń Qazaqstanǵa ótetin naqty qaýpi boldy. Alaıda, ol kezde bul týraly oılaǵandar kemde-kem boldy. Qurylǵy barlyq jıyntyq bólshekterimen kóktemde keldi. Bul ýaqytta respýblıkada TJ jarııalanǵan bolatyn. Naýryzda kásiporyn betperdeler men antıseptıkter shyǵara bastady, - deıdi Natalıa Aleskerova.
Búginde farmkompanııa kúnine 200 myń birrettik medıtsınalyq betperde shyǵarady. Saran kásipkerleri oblysta alǵashqylardyń biri bolyp jeke qorǵanys quraldarynyń óndirisin meńgerdi.
Óńirdegi farmatsevtıka salasynda oblysymyzdyń medıtsına mekemeleri men bıýdjet uıymdaryna óz ónimin jetkizetin, dezınfektsııalaýshy zattardyń tutas spektrin óndirý boıynsha kásiporyn - «GrosFarm» JShS jumys isteıdi. Ol 100%-ǵa júktelgen.
Oblystyń áleýmettik belsendi kásiporny Qaraǵandy oblysynyń aýrýhanalaryn medıtsınalyq ottegimen qamtamasyz etetin «Starpleks» JShS bolyp tabylady. Karantın jaǵdaıynda kásiporyn 24/7 jumys rejımine aýysty.
Mamyrda kóp mártelik betperde óndirisine jergilikti «Perfect Technology Style» JShS kiristi.
Kóp ret qoldanýǵa bolatyn maskalardy «Eńbek» nátıjeli jumyspen qamtýdyń jáne jappaı kásipkerlikti damytýdyń memlekettik baǵdarlamasy boıynsha qoldaý esebinen «Bastaý» jobasynyń túlekterimen ashylǵan shaǵyn ateleler de tigedi.
Vıktorııa Paktyń Avishu atelesi dezınfektsııalaýshy kilemshelerdi tigedi. Olar barlyq menshik nysanyndaǵy mekeme basshylary úshin mindetti talap boldy. Bastapqyda naryqta tek reseı ónimderi boldy, sondyqtan qaraǵandylyqtar bos taýashalardy alýǵa sheshim qabyldady. Qazirgi ýaqytta úsh myńnan astam buıym daıyndaldy.