Qaraǵandy oblysynyń sý aıdyndarynda balyqtardy qysqy aıazdan saqtaý amaldary júrgizilýde
Búgingi tańda memlekettik ınspektorlardyń qorǵaýynda 107 rezervtik balyq sharýashylyǵy sý aıdyny bar.
Qar men aıaz sýasty áleminiń turǵyndary úshin naqty problema, sebebi muzdyń tym qalyń bolýy men qar jamylǵysy ottegi men jaryqtyń túsýine jol bermeıdi. Bul balyqtyń qyrylýyna ákelýi múmkin.
Buǵan jol bermeý úshin tabıǵı resýrstar jáne tabıǵat paıdalanýdy retteý basqarmasynyń «Qaraǵandy orman jáne janýarlar dúnıesin qorǵaý jónindegi sharýashylyǵy» KMM memlekettik ınspektorlary «Nura-Sarysý oblysaralyq basseındik balyq sharýashylyǵy ınspektsııasy» RMM mamandarymen birlesip, ósimdikter ózderi arqyly aýa ótkizetindeı, aıazǵa qarsy is-sharalar júrgizip, uńǵymalar burǵylaıdy jáne olardy qamyspen toltyrady.
«Bul jumys Abaı jáne Buqar Jyraý aýdandaryndaǵy Sopaqsor jáne Karasevoe sý aıdyndarynda ótti. Qańtar-naýryz aılarynda ınspektorlar oblystyń barlyq rezervtik balyq sharýashylyq sý aıdyndaryn qamtıdy. Al bekitilgen balyqtardy tabıǵat paıdalanýshylar qutqarady», - dep habarlaıdy Qaraǵandy oblysynyń Tabıǵı resýrstar jáne tabıǵat paıdalanýdy retteý basqarmasy.