Qaraǵandy oblysynyń polıtseılerine 68 jańa kólik syıǵa tartyldy

QARAǴANDY. QazAqparat – Qaraǵandy oblysy iri kásiporyndarynyń biri jol-patrýl qyzmetine jáne Jezqazǵan, Sátbaev, Balqash, Ulytaý aýdanynyń ýchaskelik ınspektorlaryna 68 kólikti syıǵa tartty. Olarǵa 48 Chevrolet Cobalt avtokóligi, segiz JAC 7 avtokóligi, alty fýrgon, jol talǵamaıtyn 2 kólik, qarda júretin 2 kólik jáne eki avtobýs berildi, dep habarlaıdy QazAqparat tilshisi.

Quqyq qorǵaý organdarynyń avtoparkin tolyqtyrý tártip saqshylarynyń jedel áreket etýine, sondaı-aq qoǵamdyq jáne jol qaýipsizdigin qamtamasyz etýge oń áser etýi tıis.

Sondaı-aq, óńir ákimdigi men «Qazaqmys» korporatsııasy arasyndaǵy uzaq merzimdi yntymaqtastyq týraly memorandým aıasynda Jezqazǵan óńirinde «Qaýipsiz aýla» pılottyq jobasy iske asyrylýda.

Kompanııa qarajaty esebinen Jezqazǵanda Esenberlın kóshesinde beınekameralar ornatyldy. Sondaı-aq jedel basqarý ortalyǵy paıdalanýǵa berildi.

Jaqyn arada Sátbaev qalasyndaǵy «Nurly-Meken» shaǵyn aýdanynda «Qaýipsiz aýdan» beınebaqylaý júıesiniń aýqymdy jobasyn iske qosý jáne ýchaskelik polıtsııa pýnktine berý úshin jeke turǵan ǵımaratty satyp alý josparlanǵan.

Sonymen qatar, korporatsııanyń qoldaýymen Jezqazǵan, Sátbaev, Balqash jáne Ulytaý aýdandarynda 26 ýchaskelik pýnkt pen polıtsııa bólimderinde aǵymdaǵy jóndeý jumysy júrgizilip, 119 jıhaz satyp alyndy.

Polıtsııa qyzmetkerleri úshin qysqy, maýsymdyq jáne jazǵy forma kıim-keshektiń 444 jıyntyǵy tigilgen.

Modýldik úlgidegi eki statsıonarlyq polıtsııa pýnkti ornatyldy, jumysqa qajetti uıymdastyrý tehnıkasy, 690 birlik planshet, vıdeojeton, radıostantsııa, derekterdi júkteý jáne túsirý pos-termınaldary, termoprınter satyp alyndy.