Qaraǵandy oblysynyń polıtseıleri «Jeńistiń muragerleri» spartakıadasyn ótkizdi

QARAǴANDY. QazAqparat - Qaraǵandy oblystyq ІІD «Jeńistiń muragerleri» spartakıadasyn uıymdastyrdy, dep habarlady vedomstvonyń baspasóz qyzmetinen.

Oǵan 22 komanda qatysty. Polıtseıler sporttyń 6 túrinen baq synady - atys, doıby oıyny, keshendi kúsh jattyǵýlary, gir tasyn kóterý sporty, armrestlıng jáne arqan tartý.

«Biz UOS qatysýshylarynyń erligine, qaısarlyǵyna bas ıemiz», - dedi Qaraǵandy oblystyq ІІD bastyǵy polıtsııanyń general-maıory Mergenbaı Japparov.

Jalpy esepte Qaraǵandy q. ІІB komandasy birinshi orynǵa ıe boldy.

Ekinshi oryn qaraýylshy jasaq qyzmetiniń rotasyna, úshinshi oryn Qaraǵandy oblystyq ІІD buıyrdy. Olarǵa kýboktar, gramota men baǵaly syılyqtar tabystaldy.