Qaraǵandy oblysynyń ózenderinde muz jarý jumystary júrgizildi
04:43, 27 Naýryz 2023
QARAǴANDY. QazAqparat – Qaraǵandy oblysynda sý tasqynyna qarsy is-sharalar jalǵasyp jatyr. Óńirde jarylys jumystary men ózenderdegi muzdy qopsytý qolǵa alyndy. Buqar jyraý aýdany men Temirtaý qalasynda jeti ýchaske qamtylǵan, dep habarlaıdy QazAqparat tilshisi.
Oblysta sý ótkizgish qubyrlar men kópirlerdi tazartý jumystary aıaqtaldy. Eldi mekenderde qar shyǵarý, kanaldar men aryqtardy tazartý jalǵasyp jatyr. Samarqand jáne Yntymaq sý qoımalarynan 8-15 tekshe metr/sek sý aǵyzylady.
«Qazgıdromet» RMK aqparaty boıynsha, naýryzdyń úshinshi onkúndiginiń sońynda aýa temperatýrasynyń birtindep kóterilýi kútiledi. Osy oraıda, turǵyndardan úıleriniń aýlalaryndaǵy qardy tazalaý suralady.
Tótenshe jaǵdaı qaýpi paıda bolǵan jaǵdaıda kelesi telefon nómirleri arqyly habarlaý qajet: 112, 8 (7212) 43-36-36, 43-37-37.
Foto: Qaraǵandy oblysy TJD baspasóz qyzmetinen