Qaraǵandy oblysynyń kolledjderinde suranysqa ıe jańa mamandyqtar ashylady
Bul týraly bilim basqarmasynyń basshysy Gúlsim Qojahmetova málimdedi, dep habarlaıdy QazAqparat tilshisi.
Memleket basshysy alǵa qoıǵan tapsyrmalardy oryndaý aıasynda salanyń damýy týraly onlaın rejıminde ótken apparattyq keńeste málimdeldi.
«Tehnıkalyq jáne kásiptik bilim berý salasynda talap etilmegen mamandyqtardy jabý jáne jańalaryn ashý boıynsha jumys jalǵasýda. Osy jyly Saran qalasynda avtobýstar men arnaıy tehnıka shyǵaratyn zaýyt iske qosylýyna jáne avtomobıl shınalaryn shyǵarý boıynsha joba iske asyrylýyna baılanysty eki kolledj bazasynda «Shınalar óndirisi«, «Rezeńke tehnıkalyq óndiris«, «Dánekerleý isi« mamandyqtary boıynsha daıyndyqty bastaımyz. Sonymen qatar, jańa oqý jylynda taǵy da áleýetti on mamandyq ashý josparlanǵan», - dedi Gúlsim Qojahmetova.
Óńir kolledjderinde jylyjaı sharýashylyǵy, jańartylatyn energetıka, qurylystaǵy tsıfrlyq jobalaý jáne modeldeý, gazben jabdyqtaý jabdyqtary men júıelerin montajdaý jáne paıdalaný boıynsha mamandardy oqytý josparlanýda.
Óńirdegi on bes kolledj «Jas maman» jobasyna kólik, aýyl sharýashylyǵy, qurylys, jeńil ónerkásip, servıs jáne t.b. baǵyttar boıynsha qatysady. Olardyń biriniń bazasynda jattyǵý lagerin qurý josparlanýda. Jyl sońyna deıin osyndaı segiz ortalyq ashylady.
Kolledjderdiń oqý qyzmetin kommertsııalandyrý úshin bıznes-ınkýbatorlar sany artady. Sondaı-aq 39 kolledj bazasynda jumysqa ornalastyrý jáne Mansap ortalyqtaryn qurý josparlanǵan.
Gúlsim Qojahmetova mektepke deıingi jáne orta bilim berý salasyndaǵy josparlar týraly da aıtyp berdi.
Onyń aıtýynsha, jańa jekemenshik balabaqshalar ashylady.
«Bıylǵy jyly biz bóbekter men erekshe bilim berý qajettilikteri bar balalardy qamtýdy ulǵaıtýǵa erekshe nazar aýdaramyz. Memleket basshysy osyǵan nazar aýdarady. Mektepke deıingi bilim berýdi damytýǵa jeke ınvestıtsııalardy tartý úshin biz jan basyna shaqqandaǵy qarjylandyrý ádistemesine sáıkes memlekettik tapsyrysty keltirdik. Qalada bir balaǵa 36,9 myń teńge, aýylda 37,2 myń teńge bólinedi. Erekshe qajettilikteri bar balalardy kútip - baǵýǵa 77 myń teńge ketedi», - dep atap ótti basqarma basshysy.
Ótken jyly oblys boıynsha 81 balabaqsha jóndeldi. Bıyl taǵy segizin jóndeý josparlanǵan.
Óńirde 13 bilim berý nysany salynýda. Bıyl Shet aýdanynyń Aqadyr aýylyndaǵy jáne Jańaarqa aýdanynyń Aqtúbek aýylyndaǵy mektepterge japsarlas eki ǵımarattyń qurylysy bastalady.
Buqar Jyraý aýdanynyń Botaqara kentinde mektep janyndaǵy ınternattyń qurylysy josparlanýda. Jobalyq-smetalyq qujattama ázirlenýde. Qaraǵandyda jańa jeke mektep ashý týraly usynys bar.