Qaraǵandy oblysynyń kásiporyndary shtattyq rejımde jumys istep jatyr

QARAǴANDY. QazAqparat – Qaraǵandy oblysynyń ónerkásibi turaqty jumys istep jatyr.Kásiporyndarda problemalar joq. Bul týraly óńir basshysy Jeńis Qasymbekke apparattyqkeńeste baıandaldy, dep habarlaıdy QazAqparat tilshisi.

«Búgingi tańda óńirdiń barlyq ónerkásiptik kásiporyndary shtattyq rejımde jumys isteýde.

Olardyń qyzmetine kúndelikti monıtorıng júrgiziledi. Jalpy oblys boıynsha shıkizatty, daıyn ónimdi, sondaı-aq jumysshy personaldy tasymaldaý jáne jetkizý boıynsha problemalar baıqalmaıdy. Ónerkásip ónimi kóleminiń josparlanǵan kórsetkishteri qamtamasyz etiledi», - dep habarlady ónerkásip basqarmasynyń basshysy Murat Qydyrǵanbekov.

Onyń aıtýynsha, iri júıe qurýshy kompanııalar turaqty jumys isteýde jáne aılyq kórsetkishterdi oryndaýdy josparlap otyr.

TKSh men energııa kózderiniń jumysynda da problemalar joq, dep málimdeldi keńeste.

«Oblys boıynsha jylytý maýsymy turaqty ótýde. Tirshilikti qamtamasyz etýdiń barlyq obektileri shtattyq rejımde jumys istep tur. Óńirdiń segiz stantsııasynda 37 qazandyq, jeteýi rezervte jumys isteıdi», – dedi energetıka jáne TKSh basqarmasynyń basshysy Ulantaı Úsenov.

Jeńis Qasymbek oblystaǵy jaǵdaıdy baqylaýdy jalǵastyrýdy tapsyrdy.