Qaraǵandy oblysynyń ekonomıkasy 2016 jyly 1,9 paıyzǵa artady - aımaq basshysy

QARAǴANDY. QazAqparat - Qaraǵandy oblysynyń ekonomıkasy 2016 jyly boljam boıynsha 1,9 paıyzǵa ósedi, dep habarlady búgin aımaqtyq ortalyq kommýnıkatsııalar qyzmetiniń brıfıngisinde oblys ákimi Nurmuhambet Ábdibekov.

«Oblys jumysynyń tıimdiligin baǵalap, jaýapkershilikti arttyrý úshin QR Premer-Mınıstrimen 2016 jylǵa arnalǵan jeti negizgi kórsetkishti arttyrý jóninde memorandýmǵa qol qoıdyq. Oblys ekonomıkasy 1,9 paıyzǵa, jan basyna shaqqandaǵy ınvestıtsııanyń ósimi 15,2 paıyzdy, jergilikti bıýdjetten salyq pen ózge de kózderden túsetin kiris 3,3 paıyzǵa artady dep josparlap otyrmyz. Áleýmettik salaǵa keler bolsaq,  jumyssyzdyq deńgeıi 4,9 paıyz deńgeıinde saqtalyp, halyqtyń ómir súrý jasyn 70 jasqa jetkizemiz», - dedi oblys basshysy.

Aımaq basshysy atap ótkendeı, bılik sondaı-aq memlekettik qyzmetterdiń sapasyn arttyrý kúsh salady. Oblystyń negizgi baǵdarlamalyq qujattary jańa formatta ázirlenip, bekitilgen eken. Negizgi qujattardy atar bolsaq, bul - Qaraǵandy oblysynyń 2016-2020 jyldarǵa arnalǵan damý baǵdarlamasy men áleýmettik-ekonomıkalyq damý boljamy.