Qaraǵandy oblysynyń eki aýylynda sý qubyryn jańartý jumystary aıaqtalýǵa jaqyn

QARAǴANDY. QazAqparat – Qaraǵandy oblysynda turǵyndardy sapaly aýyz sýmen qamtamasyz etý jalǵasýda. Abaı aýdanynyń Qurma jáne Jumabek aýyldaryndaǵy sý qubyrlaryn qaıta jańartý jumystary aıaqtalýǵa jaqyn, dep habarlaıdy QazAqparat tilshisi.

«Aýyl – el besigi» arnaıy jobasynyń arqasynda aýyl turǵyndarynyń ómiri jaıly bolýda. Qoıylǵan mindetterdi iske asyrýdyń tıimdiligine jobalyq basqarý arqyly qol jetkiziledi.

«Eski sý qubyry tolyǵymen tozǵan, sondyqtan eki aýyldyń turǵyndary qubyr jelisindegi jarylystarǵa baılanysty jıi qolaısyzdyqtarǵa tap bolǵan.

Merdiger jumystardy qyrkúıek aıynda aıaqtap, nysandy iske qosýǵa ýáde berdi», - dedi Qurma aýyldyq okrýginiń ákimi Aıdar Gomarov.

Qurma aýyldyq okrýgindegi «Aýyl - el besigi» arnaıy jobasy boıynsha da joldar retke keltiriledi. Birneshe kóshege asfalt tóseledi. Jumys kelesi aptada bastalýy kerek.

Qurma aýylynyń balalary jańa mektepte oqıtyn bolǵandyqtan bosaǵan eski mektep ǵımaratyn qaıta jańǵyrtý bastalady . Eki jyl ishinde olardy ony kúrdeli jóndeýden ótkizý josparlap otyr. Osydan keıin munda birneshe mekeme ornalaspaq: aýyl ákimdigi, ýchaskelik polıtsııa pýnkti, mádenıet úıi jáne kitaphana. Sondaı-aq m unda sport zaly men jastar kovorkıng-ortalyǵy jabdyqtalatyn bolady.