Qaraǵandy oblysynyń Doskeı aýylynda 39 otbasy baspanaly boldy

QARAǴANDY. QazAqparat – Buqar jyraý aýdanynyń Doskeı aýylynda 39 otbasy qonys toıyn toılaýda. Páter kilti kezekte turǵandarǵa berildi. Onyń arasynda jetim balalar men kópbalaly otbasylar bar, dep habarlaıdy QazAqparat tilshisi.

Aýylda bos qalǵan birneshe bes qabatty úı bar. Ótken jyly onyń bireýi qalpyna keltirildi.

Úı kommýnaldyq menshikke berildi, kúrdeli jóndeý jumystary júrgizildi.

«Jumyspen qamtýdyń jol kartasy» baǵdarlamasy boıynsha modýldik qazandyq salyndy.

Endi kópqabatty úıler ortalyqtandyrylǵan jylytý júıesine qosylǵan.

Munda árqaısynyń qýaty 1,5 MVt bolatyn eki qazandyq bar. Bul bes úıdi jylytýǵa jetkilikti.

Buqar jyraý aýdany ákiminiń orynbasary Sapar Sataevtyń aıtýynsha, ýaqyt óte kele qıraǵan bes qabatty úılerdiń barlyǵy qalpyna keltiriledi.

Sondaı-aq, barlyq úıler jylytýǵa qosylýy úshin taǵy bir qazandyq ornatý josparlanýda.

«Oblys ákiminiń tapsyrmasy boıynsha qazir qalǵan úılerge jobalyq-smetalyq qujattama ázirlenýde. Bıyl úsh úıdi qalpyna keltirýdi josparlap otyrmyz. Barlyq toǵyz úıge abattandyrý, asfalttaý jáne ınjenerlik kommýnıkatsııalarǵa jobalaý-smetalyq qujattamany ázirleımiz. Ár aýlada zamanaýı alań men jaryq bolady», - dedi Sapar Sataev.