Qaraǵandy oblysynyń Botaqara kentine 120 jyl toldy
Merekege jergilikti turǵyndar men aqsaqaldar, kenttiń burynǵy basshylary men Buqar Jyraý aýdanynyń ákimi Serjan Aımaqov qatysty. Sondaı-aq, is-sharaǵa basqa elderde turatyn Botaqara kentiniń týmalary da qosyldy. Shara barysynda shynaıy quttyqtaýlar men áserli estelik áńgimeler aıtyldy.
«Botaqara – aýdanymyzdyń eń tyǵyz eldi mekenderiniń biri. Munda alty myńnan astam adam turady. Aýyldyń tarıhy men murasy óte baı, ony umytpaý kerek. Sondaı-aq, biz aýdanymyzdyń zamanaýı, jaıly jáne gúldengen eldi meken bolýy úshin barlyǵyn jasaýymyz kerek», – dedi Serjan Aımaqov.
Mereıtoı jyly Botaqara kentinde on bir kóshege jaryq berildi. Sondaı-aq, úsh zamanaýı balalar alańy ornatylyp, kóp qabatty turǵyn úılerdiń eki aýlasy abattandyrylyp, Botaqara stantsııasynda shaǵyn fýtbol alańy ashyldy. Kelesi jyly kentishilik joldardy jóndeý josparlanýda.
Mereıger aýyl 1901 jyly qurylǵan. Bastapqyda ol Sannıkovskoe aýyly dep ataldy. Osy kúnge deıin eldi meken birneshe ret ataýyn ózgertti. Ol 1961 jyly kent mártebesin aldy. Al 1997 jyly oǵan ańyz boıynsha HVIII ǵasyrda qalmaqtarmen shaıqas kezinde qazaq jaýyngerleriniń basynda turǵan Narbota batyrdyń qurmetine Botaqara ataýy berildi.