Qaraǵandy oblysynyń aýylynan esirtki plantatsııasy anyqtaldy

QARAǴANDY. QazAqparat - Qaraǵandy oblysynda polıtsııa qyzmetkerleri aýyl turǵynynan 7291 túp qarasora jáne 6 qap keptirilgen marıhýana tárkiledi, dep habarlaıdy QazAqparat tilshisi.

Qaraǵandy oblystyq Polıtsııa departamenti men Esirtkige qarsy is-qımyl basqarmasynyń qyzmetkerleri «Qarasora» jedel aldyn alý is-sharasyn ótkizý barysynda Shet aýdanyna qarasty aýyldardyń biriniń turǵyny quramynda esirtki bar «qarasora» ósimdigin ósirýmen aınalysatynyn anyqtady.

«30 maýsym kúni oqıǵa ornyna barǵan jedel-tergeý toby qyzmetkerleri atalǵan aqparatty rastady.

62 jastaǵy aýyl turǵynynyń jeke úıiniń aýlasynan polıtsııa qyzmetkerleri quramynda esirtki bar qarasora ósimdikteriniń plantatsııasyn anyqtady», - dep málim etti Qaraǵandy oblystyq PD baspasóz qyzmeti.

Jedel tergeý toby qyzmetkerleri oqıǵa ornynan 7291 túp esirtki ósimdigin tárkiledi. Sondaı-aq, qora ishinen polıtsııa qyzmetkerleri 6 qap qarasora jáne marıhýana esirtkisine uqsas zattar salynǵan 2 shólmek tárkiledi.

Atalǵan derek boıynsha Qazaqstan Respýblıkasy Qylmystyq Kodeksiniń 300-shi babyna sáıkes qylmystyq is qozǵaldy. Tıisti saraptamalar taǵaıyndalyp, tergeý amaldary júrgizilýde.