Qaraǵandy oblysynyń aktıvi Joldaý júktegen mindetterdi talqylady

QARAǴANDY. 5 aqpan. QazAqparat /Valentına Elızarova/ - Qaraǵandy oblysy aktıviniń búgingi keńesinde Joldaý júktegen mindetter talqylandy.

«Elimizdiń eń iri ındýstrııalyq ortalyǵy bolyp tabylatyn Qaraǵandy oblysy Joldaý júktegen mindetterdi júzege asyrýda negizgi rol atqarýy kerek»,- dep atap kórsetti oblys ákimi Serik Ahmetov óz sózinde.

Ákimniń aıtýynsha, oblysta Údemeli ındýstrııalyq-ınnovatsııalyq damý baǵdarlamasyn júzege asyrý jalǵasyn tabady. «Qaraǵandy oblysynda Indýstrııalandyrý kartasynyń aıasynda 2010 jyly jalpy somasy 30 mıllıardtan astam teńgeniń 9 nysany iske qosylyp, sonyń arqasynda 800-deı jańa jumys orny ashyldy. 2014 jylǵa deıin óńirde 76 mıllıard teńge somanyń taǵy 14 jobasyn júzege asyrý, taǵy 2320 jumys ornyn qurý josparlanyp otyr», dedi S.Ahmetov.

Keńeske memlekettik qyzmetkerler, máslıhat depýtattary, bıýdjettik uıymdardyń, ónerkásiptik jáne kommertsııalyq kásiporyndardyń, qoǵamdyq birlestikter men ulttyq-mádenı ortalyqtardyń ókilderi qatysty.